Matapos ang matagumpay na Famas Awards kamakailan na isinahimpapawid ng Peoples Television, isa na namang awards giving body ang nakipag tie up sa Telebisyon ng Bayan para magsahimpapawid ng ika-25th Silver Awards night na gagawin sa Manila Hotel sa darating na November 26, 2012.
Ayon sa pamunuan ng Aliw Awards ngayon pa lamang ay mabusisi na nilang sinusuri ang mga nasa industriya ng entertainment para maipagkaloob sa mga deserving artist ang prestiyusong parangal sa mga ito.
Siniguro naman ng pamunuan ng Telebisyon ng Bayan na maisasahimpapawid ang 25th Silver Awards night sa buong bansa sa pamamagitan ng lahat ng mga himpilan ng PTV. Ayon pa kay GM Cleo Donga-as hangad lalo ng PTV na maiangat ang mga talentong Pilipino at mabigyang halaga ang mga kultura ng bawat Pilipino.
Bibida sa gaganaping Metro Manila Film Festival Awards Night sa Disyembre 27 sina Fernando Poe Jr at Dolphy. Ito'y matapos kumpirmahin ng MMFF na ibibigay sa mga ito ang pagkilala dahil sa malaking kontribusyon nila sa larangan ng pelikula.
SOT Chairman Francis Tolentino
MMDA
Halos kumpleto ang executive committee ng MMFF sa katatapos na pulong ng mga ito para paghandaan ang pinananabikang pagtatanghal tuwing panahon ng kapaskuhan. Malaking kaibahan ang mga nakalinyang pelikula ngayong taon dahil sa pagbubukas ng pagkakataon sa mga independent films na mapasali sa nasabing patimpalak.
Maging ang mga kabataang gumagamit lamang ng cellphone na may kakayahang gumawa ng short films sa loob lamang ng isang minuto itatampok din sa taong ito.
Inaasahang mababawasan na at dahan dahang mawawala ang mga kolorum na naglipana sa mga kalsada ng Metro Manila. Ito'y matapos ng lumagda sa kasunduan ang MMDA, transport groups at LTFRB. Ito'y sa opisyal na paglulunsad ng E-Tagging na syang palatandaan kung ang isang sasakyang bumibyahe ay kolorum o hindi.
Nilagyan na rin ng E-Tagging ang mga sasakyang ito na dinala sa compound ng MMDA. Ayon kay Chairman Francis Tolentino mas pa-iigtingin nito ang batas laban sa mga illegal na bumabyahe sa Metro Manila gamit ang mga vehicle identification at mga chip database.
SOT Chairman Francis Tolentino
MMDA
Ang proyekto ay suportado ng LTFRB. Para sa kanila, malaking bagay at solusyon ito sa matagal ng problema ng kolorum. Tinatayang mahigit apat na daang piso ang gagastusin ng isang operator para dito.
SOT Atty. Sona Tamayo
LTFRB
Aminado ang sektor ng transportation na di nila kayang bantayan ang kanilang hanay sa dami ng mga ito. Kaya't ganon na lamang ang kanilang pagsuporta sa proyektong ito na marami ang makikinabang.
Nagpalabas na ng shortlist ang Judicial and Bar Council para sa mga kakandidato ng nabakanteng posisyon ng Associate Justice ng kataastaasang hukuman. Nangunguna sa talaan na nakakuha ng tig pipitong boto ay sina government chief peace negotiator Marvic Leonen, Energy Secretary Raphael Lotilla, Court of Appeals Presiding Justice Andres Reyes at CA Associate Justice Rosemarie Carandang.
Nakakuha naman ng tig aanim na boto sina Court of Appeals Justice Jose Reyes, Noel Tijam at limang boto naman ang nakuha ni La Salle Law Dean Jose Manuel Diokno.
Matatandaan na siniguro naman ni Dean Leonen ang pagiging independentt nito sakaling palarin siya na maitalaga bilang Supreme Court Justice. Binigyang diin pa nito sa panayam ng JBC na nanominate na sya noon pa bago pa man na maganap ang framework agreement sa pagitan ng Moro Islamic Liberation Front.
Tulad ng dati ang naturang shortlist na ito ay isusumite kay Pangulong Aquino III kung saan naman pipili ang punong ehekutibo ng papalit sa nabakanteng pwesto ni Supreme Court Chief Justice Maria Lourdes Sereno.
Ginagawang
lahat ng paraan ng Philippine Embassy sa
Riyadh na makausap ang Pilipinong driver ng fuel
truck na sumalpok sa poste ng flyover saka sumiklab sa Riyadh,
Saudi Arabia
noong Nobyembre a uno.
Ayon kay Vice Consul Redentor Genotiva patuloy pa rin nilang sinusubukang
pakiusapan ang mga awtoridad sa Saudi upang payagan silang makausap man lang o
makita ang nakakulong na si Ruben Kebeng.
Lahat umano ng effort ay kanilang ginagawa ngayon para mabatid din ang lagay ng
pinoy driver.
Ipinaliwanag
naman ni Genotiva na ipinagbabawal talaga sa Saudi ang makausap ang mga akusado
habang nagpapatuloy ang imbestigasyon sa anumang aksidente.
Siniguro naman ng Saudi authorities na mabigyan ng abogado ang Pinoy driver para
maipagtangol nito ang kanyang sarili.
Ayon pa sa
Vice Consul nakausap na rin nya ang
ilang mga katrabaho ni Kebeng at ito ang ilan sa kanilang kwento.
Tatlo anya
sa apat na truck ang may dalang liquefied natural gas (LNG) at kabilang dito
ang kay Kebeng na siya ring nangunguna sa convoy.
Ang mga
kasamahan ni Kebeng ang siyang nagkumpirma na ito ang nagmamaneho ng
naaksidenteng truck.
Matatandaang
22 ang nasawi sa pagsabog sa Riyadh,
kabilang na ang isang Pinoy na si Florentino Santiago.
May 14 pang
Pinoy ang kasama sa higit 100 sugatan sa nasabing aksidente.
Bukod sa nabunutan ng ngipin nabunutan din ng tinik ang ilan nating mga kababayang dating sundalo at pulis sa Barangay 183 Airmens Village Villamor Airbase.
Ito'y dahil sa libreng gamutang handog ng FILVETS o Filipino War Veterans Foundation Inc.
Bukod sa libreng check up, may iba't ibang klase pang bakuna,bunot ngipin at libreng gamot para sa mga ito.
SOT Lt Gen Raul Urgello
AFT (Ret) Exec Dir/COO
FILVETS
Ang dating sundalong ito ay inabot ng atake sa puso may ilang taon na ang nakakalipas at dahil sa hirap ng buhay hindi madaling bumili ng katulad nitong wheelchair na makakatulong sa kanyang mga pagkilos.
SOT
Ang dating marine namang ito hindi na halos kami magkaintindihan dahil nabingi na raw sya sa dami ng putok nang baril na kanyang naranasan noong sya ay nasa field pa at nakikipag laban.
Kaya ngayong may libreng gamot at iba pang alalay sa kanila bagay na malaking tulong sa kanilang buhay .
Kilala ang Pilipinas sa pagkakaron ng magagandang beach resort, dahil dito ay dinadayo ito ng mga lokat at dayuhang turista. Pero dito sa Surigao Del Norte umagaw ng aming atensyon ang may apat na kilometrong kakaibang beach na ito. Sa halip na buhangin iba't ibang klaseng bato ang nakalatag sa dalampasigan na syang magsisilbing apakan ng sinumang magsisilangoy dito.
Subalit sa kabila ng puro batong ito dinadagsa pa rin ito ng mga nais magpalipas ng oras at mag relax kahit panumandaling panahon.
Ang grupong ito ay reunion ang dahilan kung bakit sila narito.
Mga musmos pa raw sila ay ganito na ang hitsura ng kanilang pebble beach na kanilang binabalik-balikan.
SOT Kenneth Austria
At dahil sa di pwedeng maglaro ng sabuyan ng buhangin dito ginamit na lang daw itong panligo sa banyo at panlinis ng libag.
SOT Kenneth Austria
Ang grupo ng mga kabataang ito nasiyahan na lang sa ganitong laro kaysa naman daw sa magkabukulan pag nagkatamaan. At ang mag ama namang ito mukhang may paggagamitan ng mga batong ito kaya halos punuin na nila ang kanilang bangka.
Sa ngayon kilalang kilala na sa Surigao ang Mabua Pebble Beach Resort na ito.
Isang bagay lang talaga ang di ko nagawa ng ako'y narito, ang kantahin at gumawa ng isang kastilyong buhangin.
Walang pagsidlan ng tuwa ang taumbayan ng dumating sa Ninoy Aquino International Airport Terminal 1 ang imahe ni San pedro kalungsod mula sa Roma. Lulan ng Cathay Pacific plane mula sa Hong Kong. Ang mga tao nag wawagaywayan, sumisigaw at puro nakangiti larawan ng pananabik sa mahal na santo. Ayon sa paring taga buhat nito isang karangalan ang maging opisyal na taga dala ng santo mula sa Vatican ang maging ngayong nasa Pilipinas na ito.
SOT Fr. Charls Jaime
Priest from Cebu
Mananatili sa Luzon ng may ilang araw ang imahe ng banal na santo habang iniiikot ito sa ibat ibang simbahan.
Ayon sa pamununan ng CBCP isang malaking hamon sa pananampalatayang Kristiano ang pagiging santo ni Calungsod na sana ay magsilbing magandang halimbawa sa atin na magpalagananap ng kanyang iniwang magandang mensahe.
SOT Fr. Francis Lucas
Sec Gen CBCP
Ipinapanukala ngayon ng iba't ibang grupo na gawing official saint ng mga OFW si Calungsod dahil sa pagiging immigrant nito habang nagpapakalat ng mga mabuting balita ng Diyos.
Bagay na sinasangayunan naman ng Commission on Canonization na Sec General si Amb. Tita de Villa.
SOT Amb. Henrieta de Villa
Ngayong nandito na sya sana naman marami pang mananampalatayang Katoliko ang magsilbing taga sunod ng banal na santo na si San Pedro Calungsod.
Ilang araw bago ang Undas dalawang ektaryang bagong pampublikong sementeryo ang binuksan ngayong araw na ito sa bayan ng Cainta, Rizal.
At sa darating na linggo apat na kaagad ang dito ay nakatakdang ilibing.
Kakaiba kung ikukumpara sa ordinaryong libingang bayan ang hitsura nito.
Mukhang kahit mag uulan ngayong darating na undas di ito babahain.
SOT Mayor Mon Ilagan
Cainta Rizal
Iba't ibang klaseng libing ang dito ay available.
Tulad ng apartment type na ito sa halagang 8,500 limang taon na ang kontrata mo.
Mayroon ding mga bakante pa kung gusto naman ninyong baon ang libing.
Samantalang sa may gilid ng mga pader na ito dito naman available ang mga musuleyo na medyo mahal nga lang ang tapat na kabayaran.
Hindi rin biro ang pinag daanan ng mga lokal na lider bago tuluyang natapos.
At ngayong tapos na at bukas na sa publiko sasabayan na rin ng pagbabayad sa bangko na kanila naming pinag kautangan.
SOT Mayor Mon Ilagan
Cainta Rizal
Kaya ngayong malapit na ang Undas isang bagay lang ang nasisiguro ko….. ito na marahil ang sementeryong wala pang gusting dumalaw dahil di pa aabot ng sampu ang mga nakalibing dito.
Maraming karapatan ang bawat nilalang sa mundo, subalit isang karapatan na dapat ay batid ng lahat ay ang right to food.
Kaya naman itinapat ng grupong Economic Social and Cultural Rights Asia at ng UN Food and Agriculture Organization o UNFAO ang paglulunsad ng Right to Food Tool Kit: The Justice of Eating.
Nilalaman ng isang libro ang mga bagay bagay na nagtuturo at mga basehan kung paano matatawag na hindi nalalabag ang right to food ng bawat Pilipino.
Sot Minerva Gonzales
Chairperson ESCR Asia
Siniguro naman ng pamahalaan na ang karapatang ito ng bawat Pilipino ay nabibigyan ng katugunan.
Sa katunayan binangit ng National Anti Poverty Commission na binigyan na ito ng atensyon ng pamahalaang Aquino.
Inuna umano ang sapat na pondo na syang pagmumulan ng lahat para maisakatuparan ang nasabing programa.
Kung mailulusot ang bersyon ni Senador Miriam Defensor Santiago sa Sin Tax Bill mahigit limampung libo pa ang maiiligtas na posibleng magkasakit at mamatay dahil sa patuloy na paninigarilyo.
Ito ang paninindigan ng Civil Society Groups, mga doctor at ekonomista mula sa University of the Philippines hingil sa kontrobersyal na sin tax bill.
Binatikos din ng mga ito ang hilaw at kumakamping bersyon ni Senador Recto sa industriya ng tabako.
Sot Antonio Dans, MD
Professor, UP College of Medicine
Naniniwala ang grupo na bukod sa kikita ng malaki ang pamahalaan sa pinakahuling bersyon mas madami pang mamamayan ang maililigtas at kokonti na ang maninigarilyo sa bansa.
Binigyang diin ng mga ito na matamang binabantayan nila ang mga senador sa kanilang mga kilos tungkol sa sin tax bill.
SOT Prof Solita Monsod
Up economics
Sa ngayon lumalabas sa kanilang pagbabantay na pitong senador ang nakikita nilang pro health bill, lima ang anti health at siyam ang di pa tiyak ang kanilang posisyon hingil sa nasabing usapin.
Ipinagtanggol sa mababang kapulungan nina Gov Chief Negotiator Marvic Leonen at OPAP Sec. Teresita Deles ang positibong maidudulot ng nilagdaang framework agreement sa pagitan ng MILF at government panel para sa bangsamoro sa mindanao.
Ang dalawa ay inimbitahan para sa joint committee meeting ng Peace, Reconcillation and Unity Mindanao Affairs and Muslim Affairs.
SOT Sec. Teresita Deles
OPAP
Matamang inisa isa ng mga kongresitang mula sa mindanao ang kanilang mga di naiintindihan sa Framework Agreement on the Bangsamoro.
Ilan sa mga ikinababahala ng mga ito ay ang sensiridad ng mga MILF at ang ngayon pa lamang ay nag aalburuto ng grupo ng MNLF.
Napagtuunan din ng pansin ang bubuing transition commission na syang babalangkas ng mga guidelines para sa pagpapatuloy ng usapang pangkapayapaang ito.
SOT Chairman Marvic Leonen
Hindi maiwasang maghayag ng pangamba ang ilang mga mambabatas na mula sa mindanao kung paano talaga maipapatupad ng maayos ang nilagdaang kasunduan.
At para mapatunayang sensero ang mga kausap ng pamahalaan hinimok ng mga itong tulungan ang pamahalaang masakote ang ilang mga miyembro nito na nagsagawa ng kaguluhan sa kanilang lugar may ilang taon na rin ang nakakaraan.
SOT Rep. Imelda Dimaporo -
1st Dist Lanao del Norte
Binigyang diin naman ng kamara na talagang di madaling hanapin ang anumang solusyon sa kapyapaan subalit nakikikta nila ang patuloy na pagsisikap ng pamahalaang aquino para mapagtagumpayan ito.
Gagamit na ng twitter at facebook ang grupo ng mga kababaihan para sa kanilang kampanya sa disaster risk reduction at kung paano mababawasan ang iba't ibang banta ng panganib sa ating kapaligiran. Ayon sa grupong ito panahon na para maging handa sa anumang sakuna para di tayo magulat kung sakaling dumating ito.
Ikinatuwa din ng grupo na maging ang NDRRMC na pinamumunuan ni USec Benito Ramos ay nagpahatid ng kahandaang makiisa sa kanilang programa.
SOT Kala Constantino
Spokesman, OXFAM
Tinawag nila itong ICommit kung saan sinumang nais makiisa sa programa ay maaaring mag commit sa internet hingil dito.
Samantala kilala si Tado bilang isang komedyante subalit pagdating sa kampanyang tulad nito seryoso itong nakikipagtulungan. Isa syang taga marikina at biktima ng bagyong Ondoy kaya ngayong may ganitong kampanya handa syang tumulong.
Bago kami magkita ni Lolong umagaw ng aming atensyon ang bahay na ito sa bayan ng San Francisco, Agusan Del Sur. Isang kungkretong building na liyon ang hitsura. At dahil sa kakaiba ang dating nito di maiwasang tumigil ang mga mamamayang unang napadaan sa kanilang lugar. Napakahalaga daw sa may-ari nito ang liyon na nagpabago sa kanyang buhay kaya't ginawa nya itong tema sa kanyang ipinatayong bahay. Samantala marami na akong nabalitaan tungkol sa buwayang si Lolong, kaya naman ngayong personal ko syang nakita sa kinaroroonan nitong Eco-Tourism Park sa bayan ng Bunawan, Agusan Del Sur, namangha din ako sa kakaiba nyang laki lalo na't kumpirmado na syang the biggest crocodile in captivity sa buong mundo. Animoy tulog at namamahinga si Lolong ng aming madatnan. Ayon sa kwento sa amin ng mga tagapangalaga ng Eco Park, katatapos pa lamang nitong kumain kaya nagpapahinga sya. Ordinaryong araw ng kami ay mapasyal dito kaya pailan-ilan lamang ang mga taong nakita namin.
Ang dalawang magkaibigang ito ay aliw na aliw na pinagmamasdan si Lolong. Nagpapasalamat daw sila dahil kay Lolong nakilala na ngayon ang kanilang lugar na dati'y di pinapansin lalo na ng mga turista.
SOT Angie Lucas
Bumibisita kay Lolong
SOT Fely Torralba
Bumibisirta kay Lolong
Mura lamang ang singil para masilayan si Lolong sa halagang bente pesos pasok ka na sa kanyang tirahan.
Sinubok ko syang bulabugin sa pamamagitan ng paghahagis ng konting barya subalit kakaiba si Lolong di tulad ng iba dyan basta't pera na ang usapan kahit mukhang tao nagiging buwaya.
Ang sarap pagmasdan ng mga ngiting ito mula sa dating mga bingot, ngongo at iba pang dating may depekto sa kanilang mukha na hindi mo halos mapansin ngayon dahil sa nabigyan na ito ng karampatang lunas.
Sa pamamagitan ng serbisyong handog ng Noordhoff Craniofacial Foundation Philippines Inc. muling nabigyan ng panibagong pag-asa ang mga ito na hindi gumastos ng malaking halaga.
Inabutan namin sa Our Lady of Peace Hospital sa Paranaque ang mga pasyenteng ito na ang iba'y nagamot na at bumabalik na lamang para sa karagdagang theraphy. Samantalang ang iba naman ay umaasang mapag uukulan ng pansin ng mga doktor na boluntaryong naglilingkod kasama ang mga ngiting ito sa kanilang mukha.
SOT Mel Maranan
Executive Director, NCF
Eksaktong inaasikaso ng doktor na ito ang kanyang dating pasyente na inoperahan may ilang buwan na ang nakalipas. Sa murang isipan ng batang ito hindi mo na halos mapansin maging sa kanyang kaanyuan na dumaan sya sa problemang pisikal na naayos na ng mga dalubhasa. Kaya naman walang pagsidlan ng tuwa ang kanyang ina sa pangyayaring ito.
SOT
Si doktora kikita sana ng malaki kung sa malalaking ospital nya ginawa ang operasyon subalit mas pinili nya na dito magtrabaho. Kakaibang pakiramdam daw ang kanyang nararanasan.
SOT Dr. Faye Paloyo
Volunteer Surgeon
Ang pamunuan naman ng ospital kasama rin sa adhikain ng NCF na matulungan ang may mga karamdamang kapus palad na mula pa sa kung saang mga lalawigan ng bansa.
SOT Sis Eva Maamo
Pres. Our Lady of Peace Hospital
Ang pamunuan naman ng ospital kasama rin sa adhikain ng NCF na matulungan ang may mga karamdamang kapus palad na mula pa kung saang mga lalawigan ng bansa.
SOT Sis Eva Maamo
Pres. Our Lady of Peace Hospital
Hindi lang pala natatapos sa operasyon ang kapansanan ng mga ito. Kinakailangan pa nilang dumaan sa isang speech lesson para mapanumbalik nila ang normal na pagsasalita tulad ng eksenang ito.
NATSOUND
Nakakatuwa namang hindi lang pala mga doktor at kauri nito ang nagbibigay ng boluntaryong serbisyo pati ating mga kababayang tulad nila ay boluntaryo ring naghahanap ng mga ganitong sitwasyon sa pamamagitan ng kanilang smile jeep na maghahatid ng libre sa ospital na ito sa mga pasyente mula sa iba't ibang lugar ng ating bansa.
Kaya sa mga nanonood ngayon ng balita kong ito na may mga kakilalang nangangailangan ng tulong para sa ganitong sitwasyon tawagan nyo lang kami sa PTV 4 o kaya sa kanilang mismong telepono na 4686449.
Inilunsad na sa kauna-unahang pagkakataon ng isang drug company ang online nutrition tracker na syang magmomonitor sa lifestyle at diet ng mga Pilipino. Reaksyon ito sa isinagawang research ng FNRI (Food and Nutrition Research Institute) na nagpakita na ang mga mamamayan ay hindi nakakatanggap ng sapat na nutrisyon mula sa kanilang mga kinakain.
Sa Innovative online tool na ito ay pwede mong i-input kung ano ang iyong mga kinain at macacalculate nito ang mga nutrition facts na nakuha sa kinain mo at kung ano ang kulang sa katawan mo.
Minsan pang pinatunayan ng pamahalaang Aquino na walang imposible kung pag-uusapan ay paglilingkod sa malalayong lugar tulad ng lalawigan ng Tawi-Tawi. Dala ng matataas na opisyal mula sa national government at Autonomous Region in Muslim Mindanao dalawang importanteng tulay na mag-uugnay sa kabiserang Bongao Island sa mainland ng Tawi-Tawi ang mga kalsada, tulay at water supply facilitiess na kauna-unahang itatayo dito sa lalawigan. Akala nga ng mga taga rito malabo ng maganap ang kanilang mga pangarap subalit sa administrasyong Aquino pala ito magkakaroon ng kaganapan. SOT Gov. Sadikul Sahali Tawi-Tawi SOT Mayor Jasper Que Bongao, Tawi Tawi Nagkaroon ng katuparan ang mga proyektong ito sa malinis na pamunuan ngayon ng ARMM bukod kasi sa mga repormang dito ay pinatutupad sinisiguro nilang ang mga proyektong tulad ng ganito ay makarating sa iba't iba nating mga kababayan. Sisiguruhin nilang maipapatupad ng tama ang mga proyektong ito sa lalong madaling panahon bukod pa sa kalsada at mga tulay na ito na napakikinabangan na ng mamamayan. SOT Emil Sadain DWH ARMM
Para sa mga taga rito simple lang ang mensaheng naipararating sa kanila ng pamahalaang Aquino at ng ARMM. Ang mensaheng hindi sila pinababayaan at ang mga kaganapang ito sa kanilang lugar ay masasabing katuparan na ng kanilang mga pangarap.
Dinudumog ng mga kliyenteng Chinese at mga ibang lahi mula sa ASEAN ang mga produktong gawa sa Pilipinas. Ito'y dahil sa bukod sa mga kakaibang disenyo ng mga ito bihira pang makita dito. At tulad ng inaasahan madaling kausap ang mga pinoy kahit na may tag price na ang mga paninda uso rin ang tawaran at ibinibigay din nila sa murang halaga.
Hindi rin biro ang magdala ng mga produkto bukod sa malayo kailangan pang pag ingatan ng husto para di masira. Subalit para sa kanila malaking bagay ding naipapakita nila sa mga banyaga ang mga produktong gawa sa Pilipinas.
SOT Mrs. Betty Jacildo
Filipino Exhibitor
Ang mga bulaklak namang ito ay gawa pa sa Quirino Province. Manghang mangha din ang mga mamimili dahil bagamat tuyo daw ito mukhang sariwa naman at bagay na bagay na pandekorasyon sa anumang mga okasyon.
Malaking bagay din anila ang ginawa ng ating pamahalaan na isali dito ang mga gawang Pinoy para mas lalong mai-promote ito sa international market.
SOT Emilia Fernandez
Exhibitor
Nagpabonggahan din ang iba't ibang mga bansa sa kanilang display at syempre maging ang host country ay di nagpatalo sa kanilang iba't ibang mga paninda. Mula sa pagkain, pananamit at maging sa mga naglalakihang makinarya kumpleto ang CAEXPO kaya naman siniguro nilang mauulit pa ito sa mga susunod na taon.
Dinayo ng maraming tao ang naganap na Enchanted Farm Agricultural Fare na ginanap sa Brgy. Encanto Angat, Bulacan. Magkatuwang na pinangunahan ito ng Gawad Kalinga at Bureau of Custom upang maihatid sa publiko ang kakaibang serbisyong ito na kung saan ay ang mga magsasaka naman ang direktang matutulungan.
SOT Comm. Ruffy Biazon
BOC
May ilang linggo na ring ginagawa ito ng gawad kalinga at bawat linggo nag-iiba ang kanilang partner para mas lalong mapalaganap ang paglilingkod nila at direktang tulong sa sambayanan.
SOT Tonny Meloto
Founder, Gawad Kalinga
Isa sa mga katulong ng Gawad Kalinga sa serbisyong ito ay ang mga taga Department of Agrarian Reform na isa rin sa mga dahilan kung bakit dinadayo ang okasyon.
SOT Ileona Pangilinan
PARO, DAR Bulacan
Dahil sa mga magandang intensyon ng programa di kataka takang ang mga business student na ito mula pa sa ibang bansa ay aktibo sa kanilang pagtulong sa mamamayan.
Kung dati ay negatibo ang dating ng alala ng September 11 Anniversay dahil sa pangyayaring ito ng terorismo, binaligtad ito ng pamunuan ng Autonomous Region in Muslim Mindanao matapos ilunsad kahapon ang website ng DPWH ARMM at Procurement of Civil Works para sa limang contract packages para sa anim na infrastructure projects at proposal on 5 feasibility study sa mga high infact projects sa rehiyon.
Ayon sa ARMM officials panahon na para tapatan ng mga proyektong pang bayan ang 9/11 para makapagdulot ito ng tulong sa sambayanan.
SOT Gov. Mujiv S. Hataman
ARMM OIC Regional Governor
Kumbinsido ang mga opisyal ng JICA sa mga inilunsad na palatuntunan kaya't opisyal nila itong tinanggap sabay ang pagsigurong maglalaan ng kaukulang pondo sa mga programang ito.
Ngayon lamang nagkaroon ng ganitong ka-seryosong mga panuntunan sa ARMM na bukod sa magiging transparent na dahil sa website nito at sa halip na pagkakitaan ang mga proyekto nakaka-save pa ang Regional Government sa ngayon kaya naman ngayon maging sa senado hindi sila nahihirapang i-depensa ang kanilang mga budget para sa 2013.
SOT Sec. Emil K. Sadain
DPWH, ARMM
Binigyang diin pa na kung maaayos lahat ng iba't ibang ahensya ang pamumunuan dito ito na rin ang magiging tugon sa matagal na minimithing kapayapaan sa Mindanao.
Minsan pang pinatunayan ng mga taga Surigao City kung gaano kaganda ang kanilang Bonok Bonok Maradjaw, Karadjaw Festival. Mula sa street dancing na dinumog ng publiko at dance competition na pinakang finale sa pagkilala sa kanilang patron saint na si San Nicolas De Tolentino.
Ipinakita nila ang kakaibang galing na nagdulot ng saya sa lahat ng sumasaksi sa festival. Ito na ang pang dalawampu't walong pagdiriwang ng mga taga rito bilang pasasalamat sa kanilang masaganang ani, maraming huli sa pangingisda at magandang buhay.
At dahil sa sayang dulot nito sa mga dumadalo mukhang mauulit pa ito ng mauulit.
SOT Mayor Ernesto Matugas
Surigao City
Noong una masaganang ulan lamang ang kanilang hiling subalit dahil sa ipinagkakaloob naman sa kanila ay sapat na ito para pasalamatan nila ang kanilang santo.
Bahagi din ng festival ang paghahanap ng kanilang Queen of Festival na pinatunayan naman ng mga ito sa galing nila sa pagsasayaw hawak ang kanilang santo.
Ang ilan nga sa kanila tulad ng nanalong ito di na halos madala ang kanyang suot dahil sa bigat.
Pero baliwala pa rin makapag perform lang ng maayos at maging masaya pang lalo.
SOT Weddy Grace Yparrague
Lahat ng mga lumahok di mo kakakitaan ng pagod, bukod sa kanilang mga bihis na talaga namang pinaghandaan. Inspirado silang gawin ito habang pinapanood ng maraming mga turista. Suportado ng Department of Tourism ang festival kaya naman lalong dinayo ito ng mga turista hindi lamang sa Pilipinas kundi pati na rin sa ibang bansa.
SOT David Umidlao
Founder ng Bonok Bonok Festival
Walang pagsidlan ng saya ang mga mamamayan na nakasaksi ng festival dahil halos ayaw paawat ng mga kalahok sa kanilang pagsasayaw. Sabi nga ng mga taga rito darating ang panahong mas makikilala sila at dadayuhin ng marami dahil kakaiba ang kanilang Bonok Bonok Festival.
